Dijaus e diuendres variables damb ascens de temperatures, dissabte en tot tornar as nheuades en còtes baishes.

Aué dijaus 31 de gèr, auram un maitin damb nivolositat alternada damb quauqui clari e damb precipitacions fèbles e intermitentes. Pera tarde aumentarà era nivolositat e se produsiràn precipitacions intermitentes de caractèr moderat. Còta de nhèu ath torn des 2.000 m. Vents fèbles deth sud-oest.
Ascens de temperatures diürnes (-1°/9° en Vielha; -6°/1° en Beret).

Eth diuendres 1 de hereuèr, a prumères e darrères ores era nivolositat serà abondiua. Ena part centrau dera jornada se dauriràn clari. Precipitacions fèbles pendent era maitiada e a darrères ores damb còta de nhèu enes 1.800 m en tot descéner as 1.000 m pendent era net. Vents moderadi de sud-oest.
Temperatures que desceneràn pendent era jornada (0°/10° en Vielha; -5°/0° en Beret).

Eth dissabte 2, encara i a cèrt nivèu de imprecision pera proximitat dera borrasca, mès en principi auram cèus corbidi damb nheuades, pendent grana part dera jornada, en totes es còtes e de caracter moderat. Acumulacions de mès de 40 cm en còta 2.500 de Baqueira. Vents moderadi damb quauqua bohada fòrta de nord-oest.
Temperatures heiredes (-3°/2° en Vielha; -10°/-7° en Beret).