Diuendres damb clars, dissabte damb nheuades e dimenge damb bromes e clari.

Aué diuendres 1 de hereuèr, auram ues prumères ores damb nivolositat abondiua e quauques precipitacions, que deisharàn pas a clars alternadi damb bromes pendent grana part dera jornada. A darrères ores tornarà a aumentar era nivolositat e se poderien produsir bères precipitacions fèbles damb còta ath torn des 1.000 m. Vents fèbles deth sud-oest.
Temperatures doces damb acusada descenuda a darrères ores (1°/7° en Vielha; -4°/1° en Beret).

Eth dissabte 2, serà caperat damb nheuades moderades en totes es còtes. Celhs acumuladi d'uns 45 cm en còta 2.500 de Baqueira, uns 25 cm en Bagergue, uns 15 cm en Vielha e entre 5 a 10 cm en Baish Aran. Vents moderadi damb quauqua bohada fòrta deth nord-oest.
Temperatures heiredes (-2°/2° en Vielha; -9°/-6° en Beret).

Eth dimenge 3, jornada que se disputarà en eth era Marxa Beret, auram brumes alternades damb quauqui clari e pas s'escarte bèra fèbla nheuada a darrères ores. Vents moderadi deth nòrd.
Temperatures que contunharàn en descenuda (-7°/-1° en Vielha; -14°/-11° en Beret).