Dissabte damb nheuades. Dimenge heired damb bromes e quauque clar.

Aué dissabte 2 hereuèr serà ua jornada embromada damb nheuades en totes es còtes, moderades encara que puntuauments intenses pendent eth maitin e un shinhau mès fèbles pera tarde e net. Celhs acumuladi de 45 cm en còta 2.500 de Baqueira, uns 25 cm en Bagergue, ath torn de 15 cm en Vielha e de 5 a 10 cm en Baish Aran. Vents moderadi de nord-oest damb quauqua bohada fòrta en zònes nautes.
Temperatures heiredes sense massa variacion pendent era jornada (-1°/2° en Vielha; -8°/-6° en Beret).

Eth dimenge 3, entara Marxa Beret, pendent eth maitin auram brumes damb quauque clar esporadic e pas s'escarte bèra fèbla precipitacion. Pera tarde era nivolositat serà mens compacta e se dauriràn quauqui clari. Vents fòrti deth nòrd en zònes nautes.
Temperatures heiredes (-5°/0° en Vielha; -12°/-10° en Beret).

Eth deluns 4, serà pro assolelhat damb quauqui intervaus de bromalhs nauti e mieis. Pera net aumentarà era nivolositat e se poderie produsir bèra fèbla precipitacion. Vents fèbles deth nòrd.
Temperatures minimes fòrça heiredes, diürnes en recuperacion (-8°/6° en Vielha; -15°/-1° en Beret).