Dimenge de tornada as nheuades en tot intensifica-se eth deluns.

Aué dimenge 27 de gèr, a prumères ores auram clars alternadi damb bromalhs; a mesura qu'auance eth maitin aumentarà era nivolositat e se poderien produsir quauques fèbles e intermitentes precipitacions damb còta de nhèu ath torn des 900 m. Era tarde e net seràn fòrça embromades e damb nheuades moderades en totes es còtes que deisharàn mès de 35 cm en zònes nautes e uns 10 cm en Vielha.
Vents moderadi de nord-oest damb bèra bohada fòrta a compdar de meddia.
Temperatures en descenuda (-2°/4° en Vielha; -4°/-2° en Baqueira 1800).

Eth deluns 28, seguiram damb nivolositat abondiua e precipitacions intenses pendent tota era jornada que poderien acumular mès de 60 cm en zònes nautes e mès de 30 cm en Vielha. Còta de nhèu ath torn des 800 m.Vents fòrti deth nord-oest.
Temperatures similares (-2°/2° en Vielha; -6°/-4° en Baqueira 1800).
#Nheuada