26/1/19

Dissabte espectacular e dimenge damb tornada as nheuades ena Val d'Aran.

Aué dissabte 26 de gèr, auram ua jornada esplendidaments assolelhada damb quauqui bromalhs nauti ornamentaus.
Temperatura un shinhau peth dessús des normaus entara epòca (0°/9° en Vielha; -2°/1° en Baqueira 1800).

Eth dimenge 27, pendent era maitiada e eth maitin s'alternaràn bromes damb quauqui clars e se poderie produsir bèra fèbla precipitacion damb còta de nhèu sus es 1.000 m. A compdar de meddia, aument dera nivolositat que provocarà nheuades moderades e puntuauments intenses, en tot descéner a totes es còtes e que perduraràn tota era net. Acumulacions de mès de 40 cm en Baqueira 2500 e entre 10 a 15 cm en Vielha.
Pendent era tarde e net vents deth nord-oest fòrti damb bohades fòrça fòrtes en zònes nautes e exposades.
Temperatures en descenuda (-1°/4° en Vielha; -6°/-3° en Baqueira 1800).

Eth deluns 28, seguiràn es nheuades peth dessús dera còta 700. Celhs Acumuladi de 30 a 40 cm en còtes nautes e de 10 a 15 cm en Vielha. Vents fòrti deth nord-oest.
Es temperatures contunharàn en descenuda (-2°/2° en Vielha; -8°/-5° en Baqueira 1800).