Diuendres damb precipitacions, dissabte espectacular e dimenge variable.

Aué diuendres 25 de gèr, auram ua jornada damb nivolositat abondiua e precipitacions entre fèbles e moderades que poderien deishar uns 30 cm en Baqueira 2500. Còta de nhèu pendent era maitiada enes 900 m en tot pujar rapidaments cap as 1.600 m. Vents moderadi deth nord-oest damb quauques bohades fòrtes en zònes nautes.
Temperatures heiredes (-5°/4° en Vielha; -8°/-2° en Baqueira 1.800).

Eth dissabte 26, serà ua bona jornada de ski, damb solei e intervaus de bromères escampilhades.
Temperatures doces entara epòca (-2°/9° en Vielha; -5°/0° en Baqueira 1.800).

Eth dimenge 27, eth maitin serà embromat damb quauqui clari dispersi e precipitacions fèbles e intermitentes, còta de nhèu ath torn des 1000 m. Pera tarde era nivolositat serà mès abondiua damb nheuades moderades en tot descéner a totes es còtes dera Val d'Aran. Vents fòrts de nord-oest a compdar de meddia. Acumulacions de 30 cm en còtes nautes.
Temperatures en descenuda (-2°/4° en Vielha; -6°/-2° en Baqueira 1800).