24/1/19

En tot Tornar ara cauma e en tot demorar era que poderie èster era melhor dimenjada dera sason.

Es nheuades d'ager mos deishèren 37 cm en Vielha (Hònt: Ramiro Franco) e lèu 80 cm en Bagergue (Hònt: Mari Carmen der Hotel Seixes).

Aué dijaus 24 de gèr, auram un maitin caperat damb nheuades fèbles en totes es còtes. Pera tarde desapareisheràn es precipitacions e se dauriràn quauqui clari. Vents fòrts deth nord-oest damb bères bohades fòrça fòrtes en zònes nautes.
Temperatures heiredes (-2°/3° en Bossòst; -5°/1° en Salardú).

Eth diuendres 25, serà pro embromat damb precipitacions moderades pendent eth maitin e fèbles pera tarde. Còta de nhèu que pujarà des 700 as 1500 m. Acumulacions d'uns 25 a 30 cm en còta 2.500. Vents moderadi deth nòrd damb quauques bohades fòrtes en zònes nautes.
Temperatures en ascens (-1°/5° en Bossòst; -3°/2° en Salardú).

Eth dissabte 26 auram, cèus pro sereni alternadi damb quauqui intervaus embromats.
Temperatures que contunharàn en ascens (2°/9° en Bossòst; 0°/6° en Salardú).

Eth dimenge, semble qu'eth maitin serà pro assolelhat, pera tarde aumentarà era nivolositat e se poderie produsir quauques precipitacions. Entath deluns auríem un nau front que mos deisharie nheuades. Ac confirmaram en pròplèus bulletins.