Dimenjada variabla e damb nhèu povàs.

Aué diuendres 11 de gèr, auram un dia damb clars e quauques brumes, mès o mens escampilhades. Vents fèbles deth nòrd damb bèra bohada moderada en zònes nautes.
Temperatures fòrça heiredes que haràn que sigue era jornada mès heireda de çò qu'amiam d'iuèrn (-6°/2° en Gausac; -12°/-7° en Beret).

Eth dissabte 12, s'alternaràn bromes e clars; pendent era maitiada se pòt produsir bèra fòrça fèbla precipitacion damb còta de nhèu sus es 700 m. Vents fèbles deth nòrd.
Temperatures en ascens (-3°/4° en Gausac; -7°/-2° en Beret).

Eth dimenge 13, serà mès caperat e damb precipitacions fèbles pendent eth maitin; còta de nhèu sus es 1800 m. Acumulacions de 5 a 10 cm en Baqueira 2.500. Vents moderadi de nòrd damb bohades fòrtes en zònes nautes.
Es temperatures contunharàn en ascens (-1°/6° en Gausac; -6°/0° en Beret).