Dimars de primauera. Dimèrcles iuernau ena Val d'Aran.

Aué dimars 12 de març, auram un maitin assolelhat. Pera tarde apareisheràn quauqui bromalhs de tipe naut e miei que embaranaràn parciauments eth cèu. A darrères ores aumentarà era nivolositat e se produsiràn bères prumères precipitacions.
Temperatures diürnes primaueraus (0°/19° en Betren; -1°/16° en Arties).

Eth dimèrcles 13, serà fòrça caperat damb precipitacions moderades pendent era maitiada e més fèbles pendent era jornada. Còta de nhèu en tot descéner des des 1.600 as 1.100 m e puntuauments enquias 800 m. Acumulacions de 20 a 25 cm eth Cap de Vaquèira.
Vents fòrts de nord-oest damb quauques bohades fòrça fòrtes sustot en zònes nautes.
Notabla descenuda de temperatures maximales (0°/7° en Betren; -1°/4° en Arties).

Eth dijaus 14, pendent era maitiada e eth maitin contunharà era nivolositat abondiua e se poderie produsir quauqua precipitacion fèbla. Pera tarde se dauriràn clari.
Leugèr ascens de temperatures diürnes (0°/9° en Betren; -1°/7° en Arties).