Inici de setmana pro assolelhat. Nheuades entath dimèrcles

Aué deluns 11 de març, auram ues prumères ores damb bromes que poderien deishar quauqua fòrça fèbla precipitacion e qu'anaràn desapareishent entà deishar-mos ua jornada assolelhada.
Temperatures fresques (3°/11° en Betren; 0°/9° en Arties).

Eth dimars 12, serà pro assolelhat damb bromalhs nauti e primi. A darrères ores aumentarà era nivolositat e pendent era net se produsiràn precipitacions entre fèbles e moderades. Còta de nhèu ben tot baishar des 1.700 cap as 1.000 m. Vents moderadi de nòrd pendent era net.
Temperatures maximales en ascens (1°/18° en Betren; -1°/15° en Arties).

Eth dimèrcles 13, serà pro caperat damb precipitacions entre fèbles e moderades. Còta de nhèu ath torn des 900 m. Acumulacions de nhèu que poderien superar es 25 cm en còtes nautes.
Vents fòrts deth nord-oest damb quauques bohades fòrça fòrtes.
Temperatures en descenuda (0°/7° en Betren; -1°/5° en Arties).