1/3/19

Dimenjada pro assolelhada, damb temperatures agradables, mès nautes eth dimenge

Aué diuendres 1 de març, serà ua jornada damb solei un shinhau embaranat per bromalhs primi de tipe naut; a darrères ores apareisherà bèra broma escampilhada. Vents fèbles deth nòrd.
Temperatures en descenuda respecte as que auem agut pendent aguesta setmana similares as de ager e en tot apropar-se as normaus entara epòca (0°/15° en Es Bòrdes; -1°/10° en Unha).

Eth dissabte 2, pendent era maitiada e prumères ores deth maitin mos trauessarà ua coa de front, que mos deisharà bromalhs alternadi damb clars e possibilitat de quauque plojat fòrça fèble e escampilhat damb còta de nhèu ath torn des 1900 m. Era rèsta dera jornada serà pro assolelhada damb quauques bromes escampilhades. Vents fèbles deth nord-oest damb bèra bohada moderada en zònes nautes.
Temperatures sense cambis (0°/14° en Es Bòrdes; -1°/10° en Unha; -3°/3° en Baqueira 1800).

Eth dimenge 3, serà pro assolelhat, encara que pendent era tarde apareisheràn quauqui bromalhs de tipe naut e miei. Vents fèbles deth sud.
Fòrt ascens des temperatures diürnes que mos deisharàn ues ores centraus primaueraus (0°/21° en Es Bòrdes; -1°/16° en Unha; -2°/9° en Baqueira 1800).

Semble que de cara ara setmana que ven, era situacion cambiarà leugèraments, encara que, peth moment, pas se demoren ne granes precipitacions ne notabla descenuda de temperatures. Seguiram atentaments era evolucion.