Inici de setmana variable e damb temperatures doces.

Aué deluns 4 de març, serà ua jornada pro caperada damb possibilitat de quauqui plojats fèbles, dispersi e intermitenti damb còta de nhèu entre es 1.900 e es 1.500 m.
Temperatures minimes fòrça doces; diürnes un shinhau fresques (10°/12° en Les; 6°/7° en Bagergue).

Eth dimars 5, pendent eth maitin auram abondiua nivolositat de tipe naut e miei, alternada damb quauque clar. Pera tarde s'imposarà eth solei embaranat per bromalhs nauti. Vents fèbles deth sud-oest.
Descenuda des temperatures minimes e ascens des maximales (2°/16° en Les; -1°/9° en Bagergue).

Eth dimèrcles 6, serà pro embromat damb possibilitat de precipitacions pera tarde e net damb còta de nhèu que descenerie des des 1.800 as 1.300 m. Vents moderadi damb quauques bohades fòrtes deth sudoeste.
Temperatures en ascens (4°/20° en Les; 1°/13° en Bagergue).