Dimars pro tranquil, dimèrcles damb vent e quauques precipitacions fèbles.

Aué dimars 5 de març, serà ua jornada assolelhada damb quauqui intervaus de bromalhs nauti. Vent de sud-oest damb quauqua bohada moderada.
Temperatures diürnes en ascens respecte ath deluns (2°/17° en Les; 0°/11° en Bagergue).

Eth dimèrcles 6, pendent eth maitin s'alternaràn bromalhs e clari e se poderie produsir bèra precipitacion fèbla ena zòna mès meridionau dera val damb còta de nhèu peth dessús des 2.200. Pera tarde e net aumentarà era nivolositat e se produsiràn precipitacions entre fèbles e moderades damb còta de nhèu en tot descéner cap as 1.200 m pendent era net. Acumulacions de 10 a 15 cm en còtes nautes.
Vents fòrts de sud damb quauqua bohada fòrça fòrta en torni a meddia.
Temperatures en ascens (4°/19° en Les; 1°/13° en Bagergue).

Eth dijaus 7, seguiram damb cèus caperadi alternadi damb quauqui clari; possibilitat de precipitacions fèbles e intermitentes damb còta de nhèu entre es 1.400 e es 1.100 m.
Notabla descenuda des temperatures maximales (2°/12° en Les; 0°/6° en Bagergue).