Dimèrcles tamb vent fòrt e efècte Foehn.

Aué dimèrcles 6 de març, auram un maitin e prumères ores dera tarde damb alternancia de bromalhs e clari. Possibilitat de quauques precipitacions en vessant sud dera Val, fòrça fèbles en vessant nòrd e que lèu non arribaràn en baish Aran. Còta de nhèu ath torn des 2.100 m. 
A darrères ores se poderien produsir bères precipitacions fèbles, un shinhau mès intenses ena zòna mès meridionau. Còta de nhèu en tot descéner cap as 1.600 m pendent era tarde e as 1.100 m pera net.
Atencion ath vent que serà fòrt de sud damb quauques bohades fòrça fòrtes en torn a meddia.
Temperatures nautes entara epòca, incrementades per efècte Foehn que mos a deishat ues minimes fòrça doces en hons de Val (10°/20° en Les; 2°/13° en Bagergue).

Eth dijaus 7, s'alternaràn bromalhs e clari e se poderien produsir quauques precipitacions fèbles damb còta de nhèu ath torn des 1.300 m.
Descenuda de temperatures (2°/12° en Les; -1°/7° en Bagergue).

Eth diuendres 8, s'alternaràn clari e bromalhs; pas se demoren precipitacions. Vents fèbles deth nòrd.
Es temperatures seràn mès normaus entara epòca (0°/12° en Les; -2°/6° en Bagergue ).