Maitins assolelhadi, tardes damb quauqui bromalhs e temperatures doces en Aran.

Aué diuendres 29 de març, auram un maitin assolelhat. Pera tarde s'alternaràn bromalhs e clari e pas s'escarte bèra fèbla e isolada precipitacion. Vents fèbles deth sud-oest.
Temperatures nocturnes fresques; maximales leugèraments peth dessús des abituaus entara epòca (1°/15° en Escunhau; 0°/13° en Vilamòs).

Eth dissabte 30, tornaram a auer un maitin assolelhat. Pendent era tarde se desvoloparàn quauqui bromalhs d'evolucion alternadi damb clari, que poderien deishar quauque fèble e isolat plojat. Vents fèbles deth sud-oest.
Temperatures en leugèr ascens (1°/16° en Escunhau; 1°/14° en Vilamòs).

Eth dimenge 31, peth maitin auram cèus majoritàriaments sereni. En transcors dera tarde aumentarà era nivolositat e se poderie produsir quauque fèble plojat. Pendent era net era possibilitat de precipitacions serà mès nauta e era còta de nhèu se plaçarà ath torn des 2.000 m.
Temperatura similara ara jornada anteriora (1°/16° en Escunhau; 0°/15° en Vilamòs).