Inici de mes caperat e damb precipitacions. Possibilitat de nheuades en còtes baishes a compdar de mieja setmana.

Aué deluns 1 d'abriu, auram un maitin damb bromalhs de tipe naut e miei qu'en cèrti moments deisharàn entreveir eth solei. Pera tarde aumentar era nivolositat e se poderie produsir quauque fèble plojat. Còta de nhèu ath torn des 2.000 m.
Temperatures leuments peth dessús des normaus entara epòca (5°/14° en Gausac; 3°/12° en Arres).

Eth dimars 2, eth maitin serà pro caperat encara que poderie aparéisher bèt clar. Pera tarde aumentarà era nivolositat e se produsiràn precipitacions fèbles damb còta de nhèu sus es 1.800 m.
Temperatures en descenuda (3°/13° en Gausac; 2°/11° en Arres).

Eth dimèrcles 3, contunharam damb nivolositat abondiua e precipitacions fèbles e intermitentes; còta de nhèu que descenerà des des 1.800 m cap a totes es còtes a darrères ores.
Temperatures heiredes e en descenuda pendent era jornada (0°/7° en Gausac; -1°/5° en Arres).