Cèu embaranat, calimes e temperatures doces.

Aué dijaus 18 d'abriu, serà ua jornada damb bromalhs de tipe naut e miei qu'en cèrti moments deisharàn entreveir eth solei. Preséncia de povàs procedent deth nòrd d'Africa que harà qu'er ambient sigue calimós. Pendent era tarde pas s'escarte bet fèble e isolat plojat. Vents loishi deth sud.
Temperatures doces, peth dessús des abituaus entara epòca (12°/21° en Bossòst; 8°/18° en Salardú).

Eth diuendres 19, seguiram damb nivolositat nauta e mieja, e damb povàs atmosferic. Vents fèbles deth sud-est.
Temperatures similares ara jornada anteriora (10°/20° en Bossòst; 8°/18° en Salardú).

Eth dissabte 20 pendent eth maitin auram solei embaranat per bromalhs de tipe naut. Pera tarde aumentarà era nivolositat e se poderien produsir quauqui plojats intermitenti que seguirien pendent era net. Contunharam damb ambient bromós a causa deth povàs en suspension.
Temperatures en leugèra descenuda (9°/19° en Bossòst; 6°/17° en Salardú).