17/4/19

Temperatures nautes e solei damb bromalhs nauti ena Val d'Aran.

Aué dimèrcles 17 d'abriu, serà ua jornada damb solei embaranat per bromalhs de tipe naut. Vents fèbles deth sud damb quauqua bohada moderada pendent era tarde.
Temperatures diürnes lèu estiuenques (5°/24° en Bossòst; 3°/21° en Salardú).

Eth dijaus 18, auram solei velat per bromalhs de tipe naut e miei; pas s'escarte que s'escape quauqua gota pendent era tarde. Vents fèbles deth sud que portaràn un shinhau de povàs deth Nòrd d'Africa.
Temperatures nocturnes en ascens; maximales en leugèra descenuda encara que peth dessús des abituaus entara epòca (8°/21° en Bossòst; 6°/18° en Salardú).

Eth diuendres 19, seguiram damb bromalhs de tipe naut e miei que deisharàn entreveir eth solei. A darrères ores se poderie produsir quauque plojat fèble.
Temperatura similara ara jornada anteriora (6°/21° en Bossòst; 4°/18° en Salardú).