Dimèrcles iuernau. Dijaus heired e pro assolelhat.

Aué dimèrcles 3 d'abriu, serà ua jornada caperada damb precipitacions entre fèbles e moderades. Era còta de nhèu se plaçarà en torn as 1.500 m pendent eth maitin; en tot descéner cap as 1.200 ath meddia, a 1000 m pendent era tarde e a totes es còtes a darrères ores, encara que alavetz es precipitacions remeteràn. S'acumularàn de 15 a 20 cm en còta 2.500. Risc de peiregades en hons de Val.
Temperatures en descenuda ath long dera jornada: era temperatura maximala se produsirà a prumères ores e era net serà fòrça heireda (4°/6°/-2° en Gausac; 2°/4°/-3° en Arres).

Eth dijaus 4 serà pro assolelhat damb quauqui bromalhs escampilhades a prumères e darrères ores.
Temperatures minimes fòrça heiredes e diürnes heiredes entara epòca (-4°/7° en Gausac; -6°/5° en Arres).

Eth diuendres auram un maitin damb bromalhs de tipe naut e miei que deisharàn entre veir eth solei. Pera tarde aumentarà era nivolositat e se poderien produsir quauques precipitacions damb còta de nhèu ath torn de 1.800 m.
Temperatures en recuperacion (1°/11° en Gausac; 0°/9° en Arres).