Dijaus damb clars; diuendres e dissabte damb mès nivolositat e quauques nheuades.

Aué dijaus 4 d'abriu, serà ua jornada damb abondius clars, encara que damb quauques bromes a prumères ores e quauqui bromalhs nauti e miegi ath ser. 
Temperatures heiredes entara epòca (-2°/8° en Gausac; -3°/6° en Arres).

Eth diuendres 5, pendent eth maitin auram nivolositat de tipe naut e miei que deisharà entreveir eth solei. Pera tarde aumentarà era nivolositat e se produsiràn quauqui plojats fèbles damb còta de nhèu sus es 1.800 m. Pera net es precipitacions seràn entre fèbles e moderades e era còta descenerà cap as 1000 m. Vents fèbles deth sud.
Temperatures en ascens (0°/12° en Gausac; -1°/9° en Arres).

Eth dissabte 6, serà caperat encara que se pòden daurir-se quauqui clari. Precipitacions fèbles que puntuauments poderien èster moderades e còta de nhèu en tot oscillar entre es 900 e es 1.200 m.
Temperatures per jos es abituaus entara epòca (0°/8° en Gausac; -1°/6° en Arres).

Entre eth diuendres e eth dissabte se poderien acumular ath torn de 25 cm en Baqueira 2.500.