5/4/19

Fin de setmana variable ena Val de Aran.

Aué diuendres 5 d'abriu, auram un maitin damb cèus caperadi per bromalhs nauti e mieis que deisharàn entre veir eth solei. Pera tarde aumentarà era nivolositat e se poderie produsir quauque plojat fèble damb còta de nhèu enes 1.800 m en tot descéner cap as 1.100 m. Pendent era net es precipitacions seràn entre fèbles e moderades e era còta descenerà cap as 900 m. Acumulacions d'uns 10 cm en còta 2.500 de Baqueira. Vents fèbles deth sud.
Temperatures doces (2°/14° en Gausac; 0°/12° en Arres).

Eth dissabte 6, serà pro embromat encara que se dauriràn quauqui clari, sustot ath torn de meddia. Precipitacions entre fèbles e moderades pendent era maitiada tamb còta de nhèu ath torn des 900 m. Pendent era jornada es precipitacions seràn fèbles e intermitentes damb còta pujant cap as 1.100 m. Pendent tota era jornada se poderien acumular de 5 a 10 cm en zònes nautes.
Temperatures en descenuda (1°/10° en Gausac; 0°/8° en Arres).

Eth dimenge 7, pendent eth maitin s'alternaràn bromalhs damb pòqui clars e pas s'escarte quauqua fèbla precipitacion. Còta de nhèu ath torn des 1.000 m. Pera tarde se dauriràn més clars.
Temperatura similara ara jornada anteriora (1°/11° en Gausac; 0°/9° en Arres).

A causa de que ja mos trobam en primauera e donques qu'es centres des borrasques que mos van a afectar aguesta dimenjada seràn fòrça a pròp dera Val d'Aran: vos recomanam que seguigatz es nòstes actualizacions.