Sant Jordi damb variabilitat, possibilitat de plojats e encara povàs nord-african. Atencion deman ath vent de España.

Aué dimars 23 d'abriu, auram un maitin damb bromalhs alternadi damb quauques clarulhes. Pera tarde aumentarà era nivolositat damb possibilitat de plojats e probabilitat mieja de tronada. Encara auram preséncia de povàs nord-african en suspension pendent eth maitin e prumères ores ara tarde en tot desapareishèr pendent era net e que deisharà un shinhau d'hanga en tot acompanhar as precipitacions. Vents fèbles deth sud-oest damb bères bohades moderades.
Temperatures peth dessús des abituaus entara epòca (8°/18° en Les; 6°/15° en Montcorbau).

Eth dimèrcles 24, seguiram damb cèus variables e possibilitat de plojats, mès probables quan mès ath sud e que puntuauments poderien èster moderadi. Vents fòrts damb bohades fòrça fòrtes deth sud.
Temperatures en descenuda en tot plaçar-se laguens es normaus entara epòca (4°/15° en Les; 3°/13° en Montcorbau).

Eth dijaus 25, contunharàn es cèus variables damb possibilitat de plojats sustot enes zònes mès meridionaus. Vents fòrts damb bohades fòrça fòrtes deth sud.
Temperatures similares ara jornada anterior (5°/16° en Les; 3°/14° en Montcorbau).