Situacion de sud damb vents d'España ena Val d'Aran.

Aué dimèrcles 24 d'abriu, serà ua jornada damb bromes e clarulhes; pendent eth maitin se pòt produsir bèra precipitacion fèbla. Pera tarde e net es plojats seràn entre moderadi a intensi en vessant sud des Pirenèus, ena Val d'Aran seràn moderades ena zòna mès meridionau e mès fèbles quant mès ath nòrd.
Vents d'Espanha fòrts damb bohades fòrça fòrtes.
Temperatures normaus entara epòca (6°/15° en Les; 3°/12° en Montcorbau).

Eth dijaus 25, s'alternaràn bromes e clars damb precipitacions moderades sustot pendent era maitiada. Pera tarde se poderie produsir bèra tronada. Contunharàn er aire d'Espanha pendent eth maitin.
Temperatures sense cambis (7°/15° en Les; 5°/12° en Montcorbau).

Eth diuendres 26, serà ua jornada variabla damb possibilitat de quauque plojat fèble e isolat.
Temperatures en leugèra descenuda (6°/14° en Les; 3°/12° en Montcorbau).