27/5/19

Bromères damb clarulhes e temperatures fresques en Aran.

Aué deluns 27 de mai, serà ua jornada damb era tipica bromèra aranesa alternada damb quauques clarulhes. Pendent era tarde e net se poderien produsir bères fèbles rogines. Vents loishi deth nòrd.
Temperatures fresques (8°/16° en Vila; 7°/14° en Casau).

Eth dimars 28, pendent eth maitin contunharà era alternancia de brumes e clars. Pera tarde predominaràn es cèus sereni damb quauques bromes escampilhades. Pas s'escarte bèra fèbla rogina a darrères ores. Vents fèbles deth nòrd, moderadi en zònes nautes.
Temperatures encara per jos es abituaus entara epòca (7°/15° en Vila; 6°/14° en Casau).

Eth dimèrcles 29, serà pro assolelhat damb quauques bromes escampilhades. Contunharàn es vents deth nòrd.
Temperatures sense cambis (7°/16° en Vila; 6°/15° en Casau).