Dus dies fresqui e pòc a pòc en tot imposar-se eth solei. Ascens de temperatures a compdar deth dijaus.

Aué dimars 28 de mai, auram bromes a miei vessant alternades damb clarulhes que seràn mès frequentes e extenses ena part centrau dera jornada. Pendent era tarde e net pas s'escarte bèra fèbla rogina. Vents fèbles deth nòrd damb quauqua bohada moderada.
Temperatures fresques (7°/16° en Vila; 6°/15° en Casau).

Eth dimèrcles 29, serà assolelhat encara qu'a prumères ores demoraràn quauques bromes escampilhades. Vents fèbles deth nòrd.
Temperatures encara per jos des normaus (6°/16° en Vila; 5°/15° en Casau).

Eth dijaus 30, auram cèus sereni e temperatures en tot apropar-se as abituaus entara epòca (7°/21° en Vila; 6°/20° en Casau).