Bromes, quauques clarulhes e temperatures en descenuda.

Aué dijaus 2 de mai, auram un maitin damb bromes baishes e quauqua clarulha esporadica. Pera tarde contunharàn es bromes baishes, mès se dauriràn quauques clars mès e pas s'escarte quauqua fèbla rogina. Vents fèbles deth nòrd
Temperatures diürnes un shinhau per jos es abituaus entara epòca (7°/15° en Bausen; 5°/12° en Salardú).

Eth diuendres 3, dia de Santa Creu e fidèl ara tradicion: auram ua maitiada e un maitin caperadi damb plojats entre fèbles e moderadi e còta de nhèu enes 1.600 m en tot descéner puntuauments cap as 1.200 m. Pendent era tarde se dauriràn quauques clarulhes e remeteràn es precipitacions. Vents fèbles deth nòrd.
Temperatures fresques (6°/11° en Bausen;3°/8° en Salardú).

Eth dissabte 4, auram clars alternadi damb quauqui intervaus de bromes baishes. Vents fèbles deth nòrd.
Es temperatures contunharàn fresques (5°/13° en Bausen; 3°/10° en Salardú).