Santa Creu fidèu ara tradicion.

Aué diuendres 3 de mai, auram un maitin embromat damb precipitacions entre fèbles e moderades e còta de nhèu sus es 1.600 m, que puntuauments poderie baishar cap as 1.400 m. Pendent era tarde era nivolositat serà un shinhau mens compacta, poderíem veir quauqua clarulha e se poderie produsir bèra precipitacion fèbla. Vents loishi deth nòrd.
Temperatures fresques (6°/10° en Bausen;5°/8° en Salardú).

Eth dissabte 4, s'alternaràn bromalhs e clars. Era part centrau deth dia serà pro assolelhada. A darrères ores aumentarà era nivolositat e se poderie produsir bèra fèbla precipitacion damb còta de nhèu que poderie arribar enquias 1.000 m. Vents loishi deth nòrd damb bèra bohada moderada pendent era net.
Es temperatures contunharàn per jos es abituaus, encara qu'en leugèr ascens (5°/13° en Bausen; 2°/10° en Salardú).

Eth dimenge 5, serà pro assolelhat, encara qu'a prumères ores encara demorarà quauqua broma. Vents fèbles deth nòrd damb bèra bohada moderada.
Temperatures que contunharàn fresques e es minimes un shinhau heiredes (2°/12° en Bausen; 0°/9° en Salardú).