Dijaus primauerau. Diuendres e dissabte damb precipitacions e descenuda de temperatures.

Aué dijaus 23 de mai, auram un maitin assolelhat damb quauqui bromalhs nauti e primi. Pera tarde aumentarà era nivolositat e a darrères ores se poderien produsir quauqui plojats.
Temperatures nautes (7°/23° en Bossòst; 6°/21° en Arties).

Eth diuendres 24, serà fòrça caperat damb precipitacions pro contínues d'intensitat moderada que puntuauments serien intenses, sustot pendent era maitiada e prumères ores deth maitin. Còta de nhèu ath torn des 2.300 m. Vents fèbles deth nord-oest.
Fòrta descenuda des temperatures maximales (8°/12° en Bossòst; 6°/10° en Arties).

Eth dissabte 25, contunharà era nivolositat abondiua damb precipitacions moderades pendent eth maitin e un shinhau mès fèbles pera tarde. Vents de nòrd damb quauqua bohada moderada.
Es temperatures similares ara jornada anteriora (7°/13° en Bossòst; 5°/11° en Arties).