Diuendres plujós. Dimenjada pro embromada e damb quauques precipitacions.

Aué diuendres 24 de mai, serà ua jornada embromada damb precipitacions abondiues, entre moderades e intenses a prumères ores e moderades era rèsta dera jornada. Còta de nhèu ath torn des 2.300 m. Vents fèbles deth nòrd.
Temperatures fresques (10°/13° en Bossòst; 8°/11° en Arties).

Eth dissabte 25, serà pro caperat encara que pera tarde se poderien daurir quauques clarulhes. Pendent eth maitin auram precipitacions entre fèbles e moderades e pera tarde fèbles e discontinues. Vents deth nord-oest damb quauqua bohada moderada.
Temperatures similares ara jornada anteriora (9°/15° en Bossòst; 7°/12° en Arties).

Eth dimenge 26, auram es tipiques bromères araneses alternades damb quauqui clars; se poderien produsir bères precipitacions fèbles e intermitentes. Vents loishi deth nòrd.
Temperatures en leugèra recuperacion (8°/17° en Bossòst; 7°/15° en Arties).