Dijaus primaverau quasi d'estiu, diuendres tamb precipitacions e descenuda de temperatures.

Aué dijaus 16 de mai, auram un maitin assolelhat damb quauqui bromalhs nauti. Pera tarde aumentarà era nivolositat de tipe naut e miei.
Temperatures diürnes nautes entara epòca (5°/22° en Arró; 4°/20° en Tredòs).

Eth diuendres 17, serà fòrça embromat damb precipitacions que pendent era maitiada e prumères ores deth maitin seràn entre moderades e intenses. Era rèsta dera jornada contunharàn es plojats un shinhau mès fèbles e intermitenti. Còta de nhèu ath torn des 1.800 m e que puntuauments poderie descéner cap as 1500 m. Vents loishi deth nòrd.
Fòrta descenuda des temperatures maximes (6°/12° en Arró; 4°/9° en Tredòs).

Eth dissabte 18, seguiram damb nivolositat, encara que alternada damb quauques clarulhes. Se pòden produsir precipitacions fèbles e intermitentes. Còta de nhèu entre es 1.800 e es 1.600 m
Es temperatures contunharàn fresques (5°/12° en Arró; 3°/10° en Tredòs).