Dimenjada embromada e damb plojats.

Aué diuendres 17 de mai, serà ua jornada fòrça caperada damb precipitacions moderades pendent eth maitin e mès fèbles pera tarde. Còta de nhèu ath torn des 1.900 m en tot descéner a darrères ores cap as 1.600 m. Vents fèbles deth nòrd.
Fòrta descenuda des temperatures diürnes respecte a jornades anteriores (7°/11° en Arró; 6°/9° en Tredòs).

Eth dissabte 18, seguiram damb nivolositat abondiua encara que se poderie daurir quauqua clarulha, sustot pendent eth maitin. Se produsiràn precipitacions fèbles e intermitentes. Còta de nhèu en tot oscillar entre es 1.800 e es 1.500 m.
Es temperatures contunharàn fresques (4°/12° en Arró; 2°/9° en Tredòs).

Eth dimenge 19, contunharà era nivolositat abondiua damb possibilitat que se daurisque quauqua clarulha. Se pòden produsir plojats fèbles e intermitenti. Còta de nhèu ath torn des 1.900 m, encara que pendent era maitiada poderie descéner enquias 1400 m. Vents fèbles deth nord-oest.
Temperatures sense cambis (4°/13° en Arró; 2°/10° en Tredòs).