24/6/19

Contunhe era òla de calor. Cèus damb bromalhs nauti e povàs nord-african.

Aué deluns 24 de junh, serà ua jornada damb solei embaranat per bromalhs nauti e primi. Pera tarde se formaràn quauqui bromalhs d'evolucion e auram preséncia de povàs procedent deth nòrd d'Africa. Vents fèbles deth sud damb bèra bohada moderada.
Temperatures caudes (15°/31° en Les; 14°/29° en Arties).

Eth dimars 25, contunharam damb ua situacion similara: solei difuminat per bromalhs nauti, povàs nord-african e formacion de quauqui bromalhs convectius pendent era tarde. Vents deth sud.
Es temperatures contunharàn fòrça nautes (16°/30° en Les; 15°/29° en Arties).

Eth dimèrcles 26, pendent eth maitin contunharà era preséncia de bromalhs nauti. Era tarde serà assolelhada damb quauques bromes escampilhades. Seguiram damb povàs en suspension. Vents moderadi deth sud-oest.
Temperatures fòrça caudes pròplèus ath recòrd istoric deth 2.003 (17°/36°en Les; 16°/34° en Arties).