Deluns damb Bromèra Aranesa. Dimars damb plojats e nhèu enes crestes.

Aué deluns 10 de junh, auram ua jornada damb es tipiques bromères araneses, qu'anaràn acompanhades de quauques rogines.
Temperatures fresques, inclús heiredes entara epòca (9°/12° en Benós; 8°/11° en Casarilh).

Eth dimars 11, serà embromat damb precipitacions entre moderades e intenses pendent eth maitin e entre fèbles e moderades pendent era tarde. Era còta de nhèu se plaçarà ath torn des 1.900 m. Se poderien acumular der orde de 10 cm en zònes nautes. A darrères ores se dauriràn quauques clarilhes e desapareisheràn es plojats.
Es temperatures contunharàn baishes (7°/11° en Benós; 6°/10° en Casarilh).

Eth dimèrcles 12, serà assolelhat damb un aument dera nivolositat a darrères ores e quauqua possibilitat de tronada peth ser. Vents fèbles deth sud.
Temperatures minimes heiredes, diürnes en recuperacion, encara que per jos es abituaus (3°/19° en Benós; 3°/18° en Casarilh).