11/6/19

Dimars plujós e heired damb nhèu enes crestes. Recuperacion de temperatures e bon temps entàs pròplèus dies.

Aué dimars 11 de junh, serà ua jornada embromada damb precipitacions moderades, puntuauments intenses pendent eth maitin; entre fèbles e moderades pera tarde. Era còta de nhèu se plaçarà en torn as 1.900, encara que puntuauments poderie descéner cap as 1.700 m. Se demoren acumulacions de 10 cm en Cap de Baqueira. A darrères ores se dauriràn clarulhes e desapareisheràn es precipitacions. Vents fèbles deth nòrd.
Temperatures fòrça per jos es abituaus entara epòca (7°/12° en Benós; 6°/11° en Casarilh).

Eth dimèrcles 12, serà pro assolelhat encara que pera tarde se poderien desvolopar quauqui bromalhs, que pas s'escarte que dèishen bèt fèble plojat. Vents fèbles deth sud.
Temperatures minimes heiredes, diürnes en recuperacion, més encara  per jos des normaus (3°/17° en Benós; 2°/16° en Casarilh).

Eth dijaus 13, contunharam damb ambient assolelhat e damb quauqui bromalhs escampilhadi pendent era tarde. Vents fèbles deth sud damb bèra bohada moderada.
Temperatures minimes fresques, es diürnes ja seràn quasi d'estiu (5°/25° en Benós; 4°/23° en Casarilh).