Mitat de setmana pro assolelhada e damb temperatures en ascens.

Aué dimèrcles 12 de junh, auram un maitin assolelhat. Pera tarde se desvoloparàn bromalhs d'evolucion damb probabilitat baisha de tronada. Vents fèbles deth sud-oest.
Temperatures minimes heiredes, diürnes en ascens, mès encara per jos des abituaus entara epòca (2°/17 en Benós; 1°/16° en Casarilh).

Eth dijaus 13, serà pro assolelhat damb quauqui bromalhs escampilhadi pendent era tarde. Vents fèbles deth sud damb bèra bohada moderada.
Temperatures nocturnes fresques, maximes quasi d'estiu (6°/24° en Benós; 5°/23° en Casarilh).

Eth diuendres 14, auram alternancia de bromes e clarulhes damb probabilitat nauta de tronada pendent era tarde.
Es temperatures nocturnes contunharàn en ascens e es diürnes demoraràn un shinhau mès cuertes (10°/21° en Benós; 9°/20° en Casarilh).