Dijaus pro assolelhat e damb temperatures lèu d'estiu.

Aué dijaus 13 de junh, serà ua jornada assolelhada damb quauqui bromalhs escampilhadi. Vents fèbles deth sud damb bèra bohada moderada.
Temperatures minimes fresques, diürnes estiuenques (5°/24° en Benós; 4°/23° en Casarilh).

Eth diuendres 14, serà pro caperat damb alternancia de bères clarulhes. Pendent era tarde se produsiràn quauqui plojats.
Ascens des temperatures nocturnes e leugèra descenuda des maximales (10°/20° en Benós; 9°/19° en Casarilh).

Eth dissabte 15, auram bromères en zònes mieges e baishes alternades damb clarulhes; Eth limit des brumes se plaçarie ath torn des 2400 m.
Temperatures diürnes un shinhau mès fresques (10°/18° en Benós; 9°/17° en Casarilh; 3°/7° en Montlude 2518 m).

A causa d'un mau foncionament des modèls qu'utilizam abituauments, auram d'anar precisant era prevision entara MontludeSkyrace deth dissabte en pròplèus bulletins.