Diuendres pro caperat damb possibilitat de plojats.

Aué diuendres 14 de junh, serà ua jornada pro embromada damb quauques clarulhes intercalades. Se pòt produsir bèra precipitacion fèbla e isolada pendent eth maitin. Pera tarde aumentarà era inestabilitat damb probabilitat nauta de tronada. Es precipitacions poderien anar acompanhades d'hanga. Vents fèbles deth sud.
Temperatures normaus entara epòca (10°/20° en Benós; 9°/19° en Casarilh).

Eth dissabte 15, entara disputa dera MontludeSkyraces, auram bromères damb quauque clar esporadic, encara qu'enes cims, peth dessús des 2.400 mètros, poderíem auer un shinhau mès de solei. Pas s'escarte bèra fèbla rogina. Vents fèbles deth sud damb bèra bohada moderada en zònes nautes.
Temperatures un shinhau mès fresques (10°/16° en Benós; 9°/15° en Casarilh; 3°/6° en Montlude).

Eth dimenge 16, serà mès assolelhat encara que damb quauqui intervaus embromadi.
Temperatures diürnes en ascens (9°/23° en Benós; 9°/22° en Casarilh).