Dimars fòrça caud. Dimèrcles fresc e damb precipitacions intenses pendent era tarde.

Aué dimars 4 de junh, auram un maitin assolelhat damb quauqui bromalhs nauti. Pera tarde s'alternaràn bromes e clars. A darrères ores se poderie produsir bèra tronada. Vents moderadi deth sud-oest damb quauqua bohada fòrta, sustot pendent eth maitin.
Temperatures de plen estiu (13°/29° en Aubèrt; 12°/27° en Vilamòs).

Eth dimèrcles 5, serà pro caperat damb quauque clar esporadic. Pendent eth maitin se poderie produsir bèt plojat isolat. A compdar de meddia e enquiath ser es precipitacions seràn intenses e puntuauments fòrça intenses. Veiram es crestes des montanhes un autre viatge nheuarades donques qu'era còta de nhèu se plaçarà ath torn des 2.000 m. A darrères ores se dauririen quauques clarulhes. Vents fèbles damb bohades moderades de direccion variabla.
Fòrta descenuda de temperatures (9°/15° en Aubèrt; 8°/13° en Vilamòs).

Eth dijaus 6, se alternaràn bromes e clarulhes. Pendent era tarde se poderie produsir bèt plojat. Vents fèbles deth sud damb bèra bohada moderada pendent era tarde.
Leugèra recuperacion des temperatures (7°/20° en Aubèrt; 6°/18° en Vilamòs).