Dimèrcles inestable damb precipitacions intenses pendent era tarde e descenuda de temperatures.

Aué dimèrcles 5 de junh, auram un maitin damb bromères a miei vessant alternades damb quauques clarulhes, se poderien produsir beri plojats intermitenti. A compdar de meddia aumentarà era nivolositat damb precipitacions intenses enquiath ser e còta de nhèu ath torn des 2.000 m. A darrères ores se dauriràn clars.
Temperatures fresques, damb ua fòrta baishada des maximales respecte as dera jornada d'ager (10°/15° en Aubèrt; 9°/14° en Vilamòs).

Eth dijaus 6, serà pro assolelhat damb quauqui bromalhs escampilhadi. Vents moderadi deth sud damb quauques bohades fòrtes.
Temperatures minimes en descenuda e diürnes en recuperacion (6°/21° en Aubèrt; 5°/20° en Vilamòs).

Eth diuendres 7, pendent eth maitin contunharà er ambient assolelhat. Pera tarde aumentarà era nivolositat e pas s'escarte bèt fèble plojat. Vents moderadi deth sud pendent eth maitin.
Ascens dera minima e leugèra descenuda des diürnes (11°/18° en Aubèrt; 9°/16° en Vilamòs).