Seguís era Òla de Calor ena Val d'Aran. #Caumàs19

Aué dijaus 27 de junh, seguiram immergits en plea òla de calor damb cèus sereni, encara que ambient entrebolit per povàs en suspension. Vents fèbles deth sud. Umiditat relativa fòrça baisha. 

Temperatures maximales fòrça nautes en tot heregar, per dusau jornada consecutiva, recòrds istorics (17°/37° en Bossòst; 16/35° en Vielha).

Eth diuendres 28, contunharà er ambient assolelhat e damb calimes. Pera tarde se desvoloparàn bromalhs d'evolucion. Era umiditat relativa aumentarà leuments.
Es temperatures contunharàn d'èster fòrça nautes encara que damb ua leugèra descenuda des diürnes (18°/33° en Bossòst; 17°/31° en Vielha).

Eth dissabte 29, persistirà era madeisha situacion. Formacion de bromes convectiues pendent era tarde damb probabilitat fòrça baisha de que se produsisque bèra tronada isolada. Umiditat relativa un shinhau mès nauta que poderie incrementar era sensacion de calor.
Temperatures d'aute carrèr en ascens (18°/36° en Bossòst; 16/35° en Vielha).

Ager dimèrcles se superec eth recòrd de temperatura maxima en un mes de junh damb 34,9 ºC ena estacion de Vielha deth Meteocat, qu'ei era quau dispòse d'ua seria mès longa de donades.