26/6/19

Temperatures maximes ath torn deth recòrd istoric ena Val d'Aran.

Aué dimèrcles 26 de junh, promet èster ua jornada istorica ena #ValdAran. Pendent eth maitin auram cèus embaranadi per quauqui bromalhs nauti. Pera tarde apareisheràn bèra bromas escampilhada. Seguiram damb calimes pera preséncia de particules en suspension. 
Vents deth sud-est coneishut ena Val coma vent d'Espanha qué provocarà aire fòrça rescauat e umiditats relatives fòrça baishes.
Temperatures extrèmes que damb quasi tota seguretat superaràn eth recòrd de maxima en un mes de junh e damb possibilitat que se supère eth recòrd istoric de temperatura ena Val d'Aran. (14°/38° en Bossòst; 14°/37° en Vielha).

Eth dijaus 27, serà assolelhat damb quauqui bromalhs escampilhadi pendent era tarde. Contunharà er ambient entrebolit per povàs saharian. Es vents contunharàn deth sud-est e tornaràn a provocar rescaument e umiditats relatives fòrça baishes.
Es temperatures maximes contunharàn extrèmaments nautes. Es minimes mos deisharàn dormir damb cèrta comoditat e damb era hièstra duberta (17°/37° en Bossòst; 17°/36° en Vielha).

Eth diuendres 28, contunharam damb ambient assolelhat e preséncia de calimes. Era umiditat relativa seguirà baisha.
Temperatures diürnes en leugèr e pòga apreciable descenuda (18°/34° en Bossòst; 17°/32° en Vielha).