Caumàs de record, calimes e umiditat relativa baisha en Aran.

Aué dimars 23 de junhsèga, auram d'auta jornada assolelhada damb calimes e quauque bromalh d'evolucion escampilhat pendent era tarde. Vents fèbles deth sud.
Temperatures fòrça nautes, entornejan recòrds istorics, encara qu'era consolacion serà qu'era umiditat relativa serà baisha (18°/37° en Bossòst; 17°/36° en Vielha).

Eth dimèrcles 24, seguiram damb cèus majoritàriaments sereni encara que damb preséncia de povàs en suspension e quauqui bromalhs convectius pendent era tarde. Vents loishi deth sud.
Es temperatures diürnes contunharàn en tot èster fòrça nautes, encara qu'en leugèra descenuda respecte ara jornada anteriora (18°/34° en Bossòst; 17°/33° en Vielha).

Eth dijaus 25, contunharà era madeisha dinamica qu'es jornades anteriores encara que anaràn desapareishent es calimes.
Es temperatures contunharàn fòrça nautes (17°/36° en Bossòst; 17°/35° en Vielha).