Dues jornades damb aumàs. Acusada descenuda de temperatures e aument dera inestabilitat entath diuendres.

Aué dimèrcles 24 de junhsèga, tornaram a auer ua jornada assolelhada, damb calimes e quauqui bromalhs d'evolucion dispersi pendent era tarde. Vents fèbles deth sud.
Temperatures fòrça nautes encara que lheuments per jos des d'ager (16°/34° en Bossòst; 15°/33° en Vielha).

Eth dijaus 25, eth maitin serà assolelhat. Pendent era tarde apareisheràn quauqui intervaus de bromes damb remotes possibilitats de quauque plojat escampilhat, qu'òc que mos trobaríem mès ath nòrd dera Val ena zòna francesa. Encara auram preséncia de particules en suspension. Vents loishi deth sud.
Temperatures encara fòrça nautes (17°/35° en Bossòst; 16°/34° en Vielha).

Eth diuendres 26, serà caperat damb possibilitat de plojats, sustot pendent era tarde.
Fòrta descenuda de temperatures damb diürnes que seràn 10°C per dejós qu'es dues jornades precedentes (16°/24° en Bossòst; 16°/23° en Vielha).