Recuperacion des temperatures ena Val d'Aran.

Aué dimèrcles 31 de junhsèga, auram ues prumères ores damb solei peth dessús des 1.700 m e bromes a miei vessant que s'anaràn daurint pendent eth maitin. Era tarde serà assolelhada encara que embaranada per quauques bromes nautes e primes.
Temperatures minimes fresques, diürnes en recuperacion respecte a jornades anteriores (11°/23° en Vilac; 9°/21° en Arres).

Eth dijaus 1 d'agost, s'alternaràn bromalhs e clarulhes damb probabilitat mieja de plojats pendent eth maitin. Pera tarde probabilitat un shinhau mès nauta de tronades. Es possibles precipitacions anarien acompanhades de hanga. Vents fèbles deth sud damb bèra bohada moderada.
Temperatures abituaus entara epòca (14°/25° en Vilac; 12°/23° en Arres).

Eth diuendres 2, auram clars damb quauqui intervaus de bromes. Pendent era tarde pas s'escarte quauqua precipitacion.
Temperatures similares ara jornada anteriora (13°/24° en Vilac; 11°/23° en Arres).