Clarulhes damb un shinhau de nivolositat e temperatures agradables.

Aué dijaus 1 d'agost, auram un maitin damb alternancia de clarulhes damb bromes nautes e mieges; pas s'escarte bèt fèble e isolat plojat. Pendent era tarde se desvoloparàn bromalhs convectius damb probabilitat mieja-nauta de tronada. Es possibles precipitacions anarien acompanhades de un shinhau de hanga a causa deth povàs en suspension. Vents fèbles deth sud.
Temperatures agradables (12°/23° en Vilac; 11°/22° en Arres).

Eth diuendres 2, serà pro assolelhat damb quauques bromères escampilhades enes zònes mès baishes dera Val d'Aran. Desvolopament de quauqui bromalhs convectius e possibilitat fòrça baisha de bet plojat fèble pendent era tarde.
Temperatures similares ara jornada anteriora (14°/24° en Vilac; 13°/22° en Arres).

Eth dissabte 3, contunharam damb cèus sereni, encara que pera tarde se formaràn quauqui bromalhs d'evolucion.
Temperatures en ascens (14°/28° en Vilac; 12°/27° en Arres).