Dimars pro caperat damb possibilitat de tronades de tarde.

Aué dimars 27 d'agost, auram un maitin damb bromalhs nauti e mieis; pas s'escarte bèra gota isolada. Pendent era tarde aumentarà era inestabilitat damb possibilitat nauta de tronada acompanhada de quauqua bohada moderada de vent. Es precipitacions anaràn acompanhades de un shinhau d'hanga a causa deth povàs en suspension d'origina norrd-african.
Temperatures agradables, abituaus entara epòca (14°/24° en Arròs; 13°/23° en Mont).

Eth dimèrcles 28, eth maitin serà pro assolelhat. Pera tarde se formaràn bromalhs d'evolucion damb probabilitat mieja de tronada.
Es temperatures contunharàn laguens des normaus (15°/25° en Arròs; 14°/24° en Mont).

Eth dijaus 29, serà ua jornada similara ara anteriora encara que damb temperatures diürnes leugèraments mès nautes (14°/27° en Arròs; 13°/25° en Mont).