Jornades tipicaments d'ostiu ena Val d'Aran.

Aué dimèrcles 28 d'agost, serà ua jornada assolelhada damb quauqui bromalhs nauti e fòrça primi pendent eth maitin. Pera tarde se formaràn bères bromes e bromalhs d'evolucion escampilhadi e  se poderie produsir bèt fèble plojat.
Temperatures laguens des abituaus entara epòca (13°/26° en Arròs; 10°/24° en Mont).

Eth dijaus 29, tornaram a auer un dia assolelhat, encara que pera tarde se formaràn bromalhs convectius damb probabilitat mieja de tronada.
Temperatures en ascens (13°/28° en Arròs; 11°/26° en Mont).

Eth diuendres 30, pendent eth maitin aurà solei alternat damb quauqui bromalhs de tipe naut e miei. Pera tarde se tornaràn a formar bromalhs d'evolucion. Pas s'escarte bèt fèble plojat.
Es temperatures contunharàn en ascens e peth dessús des normaus (14°/29° en Arròs;12°/27° en Mont).