29/8/19

Jornades d'ostiu entà dar comiat ar agost.

Aué dijaus 29 d'agost, auram ua jornada pro assolelhada. Pendent era tarde apareisheràn bromalhs que deisharien tronades en vessant sud des Pirenèus e pas s'escarte que quauqu'ua de caractèr fèble afècte ara Val d'Aran.
Temperatures peth dessús des abituaus entara epòca (13°/28° en Arròs; 11°/26° en Mont).

Eth diuendres 30, seguiram damb solei, encara que alternat damb quauqui bromalhs nauti e escampilhadi. Formacion de bromalhs convectius pera tarde qu'en principi provocarien bèt plojat ath sud dera Val, encara que quauqu'un poderie sautar era divisoria des Pirenèus.
Temperatures diürnes nautes (14°/29° en Arròs; 12°/27° en Mont).

Eth dissabte 31, serà assolelhat damb intervaus de bromalhs nauti e primi. Pera tarde se formaràn bromalhs d'evolucion.
Es temperatures maximales un shinhau mès nautes qu'es jornades anteriores (14°/30° en Arròs; 12°/28° en Mont).