30/8/19

Diuendres e dissabte d'ostiu. Dimenge un shinhau mès fresc.

Aué diuendres 30 d'agost, serà ua jornada assolelhada damb bèt bromalh naut prim e fòrça escampilhat pendent eth maitin. Pera tarde se formaràn bromalhs d'evolucion, qu'en principi deisharàn tronades en vessant sud des Pirenèus, encara que pas s'escarte que quauque plojat fèble podesse sautar ara Val d'Aran.
Temperatures diürnes d'ostiu (12°/29° en Arròs; 10°/27° en Mont).

Eth dissabte 31, eth maitin tornarà a èster assolelhat damb quauqua broma fòrça escampilhada. Pendent era tarde se tornaràn a formar bromalhs d'evolucion damb probabilitat mieja de tronada. Vents fèbles deth sud.
Darrèra jornada de temperatures peth dessús des normaus entara epòca (13°/30° en Arròs; 11°/28° en Mont).

Eth dimenge 1 de seteme, serà pro caperat damb possibilitat de quauque plojat fèble pendent era tarde. 
Notabla descenuda, d'uns 9ºC, des temperatures diürnes (13°/21° en Arròs; 11°/19° en Mont).

Eth tèrratrem d'ager en #Vielha siguec d'intensitat 2,5 segontes er Instituto Geográfico Nacional de España e de 2,2 segontes eth Institut Cartogràfic i Geològic de Catalunya.