Dimèrcles pro caperat e damb quauque plojat fèble e intermitent. Solei e calor entàs pròplèus dies.

Aué dimèrcles 7 d'agost, auram un maitin pro caperat damb quauqua clarulha esporadica e possibilitat de bèra precipitacion fèbla e isolada. Pera tarde s'alternaràn bromalhs e clarulhes damb possibilitat nauta de bèt plojat intermitent de caractèr fèble.
Temperatures normaus entara epòca (18°/25° en Les; 14°/23° en Unha).

Eth dijaus 8, serà pro assolelhat damb quauqui intervaus de bromalhs nauti e primi. Vents fèbles deth sud.
Temperatures diürnes nautes (15°/31° en Les; 13°/28° en Unha).

Eth diuendres 9, contunharà er ambient assolelhat, encara qu'a darrères ores se poderien formar bères bromes escampilhades. Vent fèble deth sud.
Temperatures un shinhau mès nautes qu'ena jornada anteriora (17°/33° en Les; 15°/30° en Unha).